MATERI ARTIKEL BUDAYA SMP KELAS 8
Hidep kungsi maca artikel dina koran atawa majalah? Ceuk hidep naon nu disebut artikel téh? Bener, artikel téh tulisan atawa karangan nu ngaguar hiji hal nu dianggap penting tur aktual (anyar). Bédana artikel jeung karangan séjén saperti makalah, artikel mah dimuat dina koran atawa majalah, Ku kituna, eusina ogé artikel mah ngebréhkeun pamanggih pribadi saurang pangarang atawa panulis anu dirojong jeung dumasar kana rupa-rupa rujukan, boh hasil panalungtikan boh pamanggih ahli. Témana ogé rupa-rupa, bisa ngeunaan naon wae: sosial, politik, hukum, agama, budaya, jsté.
Artikel téh ditulisna sok ngaguluyur, sangkan gampang dipahamna ku batur. Lantaran artikel mah dimuat dina média citak, jadi nu macana ogé bisa ti sawatara kalangan. Umumna, artikel téh ditulis maké paragraf arguméntasi. Najan aya ogé nu ditulis make paragraf persuasi, narasi, jeung déskripsi. Nu penting sarat-sarat artikel kudu katedunan.