SISINDIRAN PAPARIKAN PIWURUK

Paparikan Piwuruk:
Ka kulah nyiar kapiting
Ngocok lobak bobodasna
Ulah sok liar tipeuting
Osok loba gogodana

Melak suplir makè huut,
dibawa ka Cicalèngka,
Ari nyupir ulah ngebut,
kumaha lamun cilaka?

Kacapanon dina jukut,
geus ruksak rèk diomèan.
Ku naon abdi bet ngebut,
apan keur ngudag setoran

WAWANGSALAN

Conto Wawangsalan
Abdi mah caruluk Arab
Henteu tarima téh teuing.
(wangsalna : Korma)
Paribasa petis Cina
Hayang nepi ka cacapna
(wangsalna : Kecap)
Mesin ketik siga tivi
Nyimpen data meni pinter
( wangsalna : Komputer )
Bibika tipung tarigu
Ku engkang tacan kahart
(wangsalna : Roti)

SISINDIRAN PAPARIKAN SESEBRED

Paparikan Sésébréd (heureuy)
Poe saptu poé kemis
Salasa heuleut-heuleutan
Saha itu murilkumis
Leumpangna eundeuk-eundeukan

Saninten reujeung japilus
Ka Cinisti dipapaykeun
Ari peunteun hayang alus
Tatapi anti ngapalkeun

Korék api dijajarkeun
Dikuatan dikarétan
Sanés abdi teu ngapalkeun
Kabéngbat ku internétan

SISINDIRAN PAPARIKAN SILIH ASIH

Paparikan silih asih :
Aya meri dina rakit
Boboko wadah bakatul
Lain nyeri ku panyakit
Kabogoh direbut batur

Isukna muka komputer
diseuseulan ku Bu Lilis
Rina mah sanés mung pinter
katambihan ogé geulis…

Sanaos ka Haur geulis
Andi mah resep ka Cina
Sanaos Néng Nunur geulis
Andi mah resep ka Rina

Mandi isuk rada beurang
Tampian jalanna nanjak
Andi atos terus terang
Badé ditampi, ditolak?

SISINDIRAN RARAKITAN SESEBRED

rarakitan sésébréd ( heureuy)
Majar manéh cengkeh koneng
Kulit peuteuy dina nyiru
Majar maneh lengkéh konéng
Kulit beuteung mani nambru

Rarasaan cengkéh konéng
Kulit peuteuy dina nyiru
Rarasaan lengkéh konéng
Kulit beuteung mani nambru

Najan peuteuy dina nyiru
Sakoteng dibawa muter
Najan kulit beuteung nambru
Da ganteng katambah pinter

SISINDIRAN RARAKITAN SILIH ASIH

rarakitan silih asih
Daék sotéh ka cinangka
Ka cisitu mah teu purun
Daék sotéh ka nu dipita
Kanu itu mah teu purun

Kajeun teuing huntu punglak
Asal ulah nyanyautan
Kajeun kuring geus disentak
Asal ulah ngabaeudan

SISINDIRAN RARAKITAN PIWURUK

rarakitan piwuruk
Sing getol nginum jajamu
Nu guna nguatkeun urat
Sing getol néangan élmu
Nu guna dunya ahérat

Kudu getol neukteuk kuku
ngarah pinter lamun dangdan
kudu getol maca buku
ngarah pinter jiga Dadan

SISINDIRAN SUNDA NYAETA?

Dina jaman kiwari, ana nyarita urang Sunda téh resep togmol. Langsung kana bukur caturna. béda jeung baheula. Dina kahirupan karuhun urang baheula kapanggih paribasa “malapah gedang”. Hartina, saméméh nyaritakeun maksud nu saenyana, nyaritakeun heula perkara séjén minangka bubukana, supaya nu ngadéngékeun ulah reuwas atawa leutik haté (Satjadibrata, 2005).

Hartina, nyarita téh kudu aya senina. Nu sok kapanggih téh lain baé kabiasaan malapah gedang, urang Sunda ogé boga kabiasaankabiasaan séjén nu patali jeung seni nyarita atawa seni komunikasi. Di antarana baé seni nyarita téh diébréhkeun dina sisindiran. Ngan baé, sisindiran urang Sunda baheula mah lain sisindiran siga jaman ayeuna nu sakapeung ngahaja dijieun keur kaperluan pagelaran. Sisindiran jaman baheula éstuning dalit jeung kahirupan sapopoé, biasa digunakeun dina komunikasi sapopoé, malah antukna jadi idiom.

CONTOH SISINDIRAN BAHASA SUNDA

Daék sotéh ka cinangka
Ka cisitu mah teu purun
Daék sotéh ka nu dipita
Kanu itu mah teu purun

Sing getol nginum jajamu
Nu guna nguatkeun urat
Sing getol néangan élmu
Nu guna dunya ahérat

Majar manéh cengkeh koneng
Kulit peuteuy dina nyiru
Majar maneh lengkéh konéng
Kulit beuteung mani nambru

error: Content is protected !!